Fai Historia con nós

Unha lección sobre como a tecnoloxía reescribe a historia

O investigador falou no campus do papel de colectivos como Roman Army

A Facultade de Historia do campus de Ourense acolleu este martes a charla Da arqueoloxía clásica á arqueoloxía do mundo dixital: unha revisión da conquista e ocupación do noroeste ibérico polos romanos. Nela, o historiador e investigador José Manuel Costa falou ao alumnado presente sobre como a revolución tecnolóxica tamén está a mudar narrativa histórica.

20181204
Leer más...

Unha ollada á Prehistoria e á Antigüidade feita por novas e novos investigadores

Estiveron organizadas pola súa delegación de alumnos e alumnas

A Facultade de Historia do campus de Ourense acolleu este martes a celebración da oitava edición das Xornadas de Novos Investigadores, organizadas pola súa Delegación de Alumnos e Alumnas co apoio do centro. Unha vez máis, novos e novas investigadores procedentes de universidades estatais reuníronse para visibilizar os seus primeiros traballos, compartir coñecementos e inquedanzas e dar pulo á investigación feita polas novas xeracións. Nesta ocasión, os temas abordados centráronse na vida cotiá na Prehistoria e na Antigüidade.

20181120
Leer más...

A vida cotiá na Prehistoria e na Antigüidade, tema das VIII Xornadas de Novos Investigadores

A cita celebrarase o martes 20 de novembro

O día 20 de novembro o campus de Ourense acollerá unha nova edición, a oitava, das Xornadas de Novos Investigadores, organizadas pola Delegación de Alumnos e Alumnas da Facultade de Historia co apoio do seu centro.

Nesta edición, seis investigadores e investigadores de diferentes universidades estatais abordarán diferentes aspectos da vida cotiá na Prehistoria e na Antigüidade.

A vida cotiá na Prehistoria e na Antigüidade, tema das VIII Xornadas de Novos Investigadores
Leer más...

Falando do pasado da auga, falando do futuro da sociedade

O campus de Ourense acolle este xoves e venres o III Congreso Internacional da Auga

No marco do seu proxecto de especialización como Campus da Auga, este xoves e venres o campus de Ourense acolle o III Congreso Internacional da Auga. A cita, que nesta ocasión ten por lema Auga, sociedade e territorio e está centrada no eido da historia, a xeografía e a historia da arte, manexa cifras de 80 comunicacións e pósters de expertos e expertas procedentes de oito países e arredor de 150 asistentes. “A auga é un ben valiosísimo e escaso e co paso do tempo serao máis. Na súa xestión somos debedores dun pasado que debemos coñecer e ter moi presente para contribuír a un futuro mellor, sobre todo tendo en conta as ameazas que se albiscan no horizonte”, subliñaron as coordinadoras do congreso.

Falando do pasado da auga, falando do futuro da sociedade
Leer más...

O III Congreso Internacional da Auga contará con 80 comunicacións e pósters de investigadores de oito países

Nesta edición o eixe temático será a historia, a arqueoloxía, a xeografía e a arte

“Abordar a temática da auga desde a perspectiva da historia, a arqueoloxía, a xeografía e a arte en diferentes territorios e sociedades”. Con este obxectivo presentouse este venres o III Congreso Internacional da Auga, organizado no marco do proxecto de especialización do campus de Ourense como Campus da Auga. A cita, que se celebrará do 25 ao 27 de outubro, terá nesta edición como lema Auga, sociedade e territorio e durante os dous días de sesións que contempla a programación exporanse 80 comunicacións e pósters de expertos e expertas procedentes de oito países.

O III Congreso Internacional da Auga contará con 80 comunicacións e pósters de investigadores de oito países
Leer más...