Fai Historia con nós

Catro anos por diante para estudar e valorizar o Castelo de Lobarzán

A arqueóloga Beatriz Comendador é a responsable do proxecto

“A realización de diversas actividades de recuperación patrimonial, paisaxística e etnográfica da área arqueolóxica do Castelo de Lobarzán ou Castro das Laxes das Chás e a súa contorna durante os próximos catro anos”. Con este obxectivo, representantes da Universidade de Vigo e dos concellos ourensáns de Oímbra e Monterrei, onde se localiza este enclave, asinaron este venres no campus de Ourense un convenio específico de colaboración entre as tres entidades.

20190405
Ler máis...

Unha intervención arqueolóxica analiza se as ruínas romanas da praia do Naso son dunha factoría de salga

Actualmente estase a desenvolver o traballo de campo neste enclave da illa de Arousa

“O obxectivo científico final da actuación é saber con seguridade se as ruínas romanas alí existentes son unha factoría de salga ou outro tipo de edificio e recuperar o maior numero de datos posibles que nos permitan interpretar as estruturas (cronoloxía, usos, dimensións, estado de conservación...)”. Con este reto un equipo coordinado polo arqueólogo da Universidade de Vigo e profesor da Facultade de Historia do campus de Ourense Adolfo Fernández está a realizar unha intervención arqueolóxica na praia do Naso-Campo dos Bufos, na illa de Arousa.

20190403
Ler máis...

Os indicios de ocupación prehistórica afloran tralas pinturas rupestres de Vilardevós

A profesora Beatriz Comendador dirixe a intervención

En setembro e outubro de 2018 un equipo galaico-luso liderado pola arqueóloga da Universidade de Vigo Beatriz Comendador iniciou, cunha intervención arqueolóxica no Penedo Gordo ou Penedo da Moura de Vilardevós, en Ourense, un proxecto que tiña como obxectivo principal determinar se existía ou non ocupación vinculada ás pinturas rupestres de estilo esquemático atopadas neste penedo en 2017. Os primeiros resultados da intervención, financiada pola Dirección Xeral do Patrimonio Cultural da Consellaría de Cultura e Turismo, verifican “a excepcionalidade deste xacemento” e confirman “a presencia de indicios de ocupación prehistórica inmediatos ás paredes pintadas do penedo”.

20190328
Ler máis...

A Facultade de Historia tende pontes co alumnado de Educación Secundaria Obrigatoria

As e os escolares desenvolverán un traballo con apoio de profesorado universitario

Co título de Tendendo Pontes a Facultade de Historia do campus de Ourense puxo en marcha este martes un proxecto piloto no que traballará con alumnado de varios cursos de Educación Secundaria Obrigatoria dun centro de Ourense, concretamente co CPR Padre Feijoo Zorelle. Ao longo de varias semanas, as e os escolares vivirán a experiencia de achegarse á Universidade de Vigo desenvolvendo un traballo en grupo co apoio de profesorado universitario.

20190226
Ler máis...

Un nome para o Castelo de San Salvador dos Penedos, Castelo de Todea

Trátase dunha edificación medieval de control do territorio entre os vales do Limia e o Arnoia

Desde o ano 2016 o Grupo de Estudos de Arqueoloxía, Antigüidade e Territorio (Geaat) da Universidade de Vigo desenvolve o Proxecto Sancti Salvatoris co obxectivo de estudar e valorizar o xacemento altomedieval de San Salvador dos Penedos, no concello ourensán de Allariz. Coñecido nos mapas como Castelo de Mouresiños e polos veciños e veciñas como Castelo do Malpaso, os últimos traballos realizados permitiron ás e aos investigadores localizar o nome orixinal e histórico da construción e as primeiras referencias históricas a el, que datan de 1433, e bocexar a súa estrutura e características. Estaríamos ante o Castelo de San Salvador de Todea, un pequeno castelo medieval de control do territorio e de vía de paso entre o val do Limia e o val do Arnoia.

20191202
Ler máis...